Xornada informativa sobre o programa europeo Erasmus+, especialmente dirixida ás persoas que traballan no sector cultural de Galicia tanto do eido público coma do privado. O obxectivo da sesión é informar sobre as posibilidades que o Erasmus+ ofrece para as entidades culturais á hora de formular e financiar proxectos de formación (formal e non formal), proxectos de mobilidade ou asociacións estratéxicas.

A xornada, que terá lugar no Edificio CINC da Cidade da Cultura de Galicia, consta de relatorios de expertos e da exposición de varios proxectos galegos de éxito neste eido. 

PROGRAMA

• 09.00 h Inauguración da xornada
• 09.30 h Erasmus+. Bases do programa
• 10.15 h A educación das persoas adultas nas políticas europeas
• 11.00 h Pausa café
• 11.30 h Erasmus+ e a internacionalización das institucións de formación de persoas adultas: accións clave
• 12.30 h Mesa de boas prácticas: proxectos desenvolvidos en Galicia.
• 13.30 h Clausura da xornada

Pódese consultar máis información sobre a xornada na web cultura.gal.