O próximo congreso da SIEF (Asociación Internacional de Etnoloxía), convocado baixo o lema: Track Changes: Reflecting on a Transforming World, terá lugar en Santiago de Compostela, do 14 ao 17 de abril de 2019. O Museo Centro Gaiás da Cidade da Cultura acollerá a xornada inaugural do congreso, cunha conferencia a cargo de Susana Narotzky, profesora titular de antropoloxía social na Universidade de Barcelona, especialista en antropoloxía económica e investigadora especializada en temas como o traballo das mulleres na economía somerxida e a importancia dos factores ideolóxicos na organización económica.