Máis alá da súa función lúdica, os xogos dixitais poden ser ferramentas valiosas para a aprendizaxe, a comunicación ou a información. 

A Consellería de Cultura, Educación e Ordenación Universitaria e o IGAPE promoven Xogar tamén é cousa seria, unha xornada na que se analizarán experiencias de empresas e institucións galegas que empregan o videoxogo como recurso encamiñado a mellorar aspectos diversos, como a produtividade empresarial, as vendas, a formación, a saúde ou a educación. Un espazo de encontro para o sector e unha oportunidade para coñecer e compartir as posibilidades e resultados destas aplicacións dixitais de xogo.

Consulta o programa completo na área de descargas.