En virtude do convenio subscrito entre a Asociación de Enxeñeiros de Telecomunicación de Galicia e a Axencia para a Modernización Tecnolóxica de Galicia, no que se recollen actividades de formación, divulgación e asesoramento á sociedade en xeral, a AETG organiza a conferencia Xemelgos Dixitais e o reto dos buques intelixentes, impartida por Donato Martínez Pérez de Rojas, Juan Ignacio Silvera Vez e Carlos Blanco Seijo.
Durante a mesma, os relatores, enxeñeiros expertos na materia, ofrecerán unha visión xeral do plan de transformación que dará lugar ao Xemelgo Dixital no entorno da construción naval, abordarán os retos e oportunidades desta tecnoloxía e a súa implicación no ecosistema naval e marítimo, finalizando cunha exposición dun caso de aplicación nos futuros buques da Armada Española.
A xornada terá lugar o vindeiro día 28 de outubro ás 11:15 h. no Auditorio Xosé Neira Vilas da Cidade da Cultura.
