No noso día a día, relacionámonos, emocionámonos, rimos, amamos e odiamos a través de tipografía. Dun xeito natural volcamos na tipografía, ou percibimos a través dela, emocións e opinións que van moito máis aló do seu contido.

Como elemento gráfico central da exposición Galicia Futura, como reflexo do seu contido e espírito, deseñouse precisamente unha tipografía. En realidade, un artefacto tipográfico composto de tres tipografías.

Tres tipografías modulares e mono espaciadas que, como as pezas da exposición, cando se superpoñen e combinan constrúen o elemento lexible e comprensible, como as capas de coñecemento que o espectador descubre e conecta en Galicia Futura. Tres tipografías que son forma pero tamén mensaxe, e que agora se converten nunha ferramenta aberta ao público para descargar, utilizar e modificar e construir a súa propia mensaxe.

Como usar as tipografías?

Estas tipografías son de libre uso. Son tres ficheiros OTF que se poden instalar en calquer ordenador. Para conseguir un texto lexible débese escribir o mesmo texto en tres caixas de texto distintas, cada unha con unha das tipografías, e logo superpoñelas.

Preme AQUÍ para descargar os ficheiros e instalar no teu ordenador a tipografía Galicia futura!