Montse Rivera participa en diferentes agrupacións folclóricas galegas, chegando a desempeñar durante cerca de 9 anos o cargo de directora do corpo de baile e pandeireteiras da prestixiosa Agrupación Folclórica Cantigas e Agarimos. Desenvolve unha incesante actividade como mestra de baile, pandeireta e canto tradicional galego para diferentes asociacións.

As masterclasses do Serán'04 tratan cuestións peculiares ou moi especializadas de técnica vocal, pandeireta, percusión ou danza, e co profesorado máis destacado do momento: Xosé Lois Romero, Felisa Segade, Olga Kirk, Luis Prego, Xurxo Fernándes, María Vidal ou Serxio Cobos, entre outros. Nesta edición inclúense contidos novidosos como unha clase de iniciación bordado ao cargo do mosdisto e especialista en traxe tradicional, Álex Regueiro, ou unha de iniciación á pandeireta para persoas con discapacidade. Podes ver o programa completo do encontro e os diferentes contidos formativos premendo AQUÍ.