O conselleiro de Cultura, Educación e Universidade, Román Rodríguez, reunirase co presidente da Fegamp, Alberto Varela, para avanzar no Plan de Nova Arquitectura Pedagóxica. O encontro estará aberto só aos medios gráficos e terá lugar na Sala 1 da Biblioteca de Galicia.
O Plan de Nova Arquitectura Pedagóxica procura mudar o deseño e intervención nos centros escolares, contemplando os retos educativos do futuro que, ademais das necesidades académicas, inclúen tamén as sanitarias e as tecnolóxicas. O Plan foi aprobado polo Consello da Xunta, para continuar agora cunha rolda de contactos para enriquecer o documento final de xeito que se converta na folla de ruta para o deseño dos novos colexios e institutos na etapa poscovid, onde a arquitectura teña unha orientación educativa.
