O conselleiro de Cultura, Educación, FP e Universidades, Román Rodríguez, recibirá aos 11 centros galegos distinguidos nos premios nacionais aos Clubs de Lectura Escolares 2022-2023, que convoca a Secretaría de Estado de Educación. No Hall de Tirantes do Museo Centro Gaiás.
Os premios diríxense a centros educativos do territorio español sostidos con fondos públicos que impartan os ensinos básicos (Educación Primaria, Educación Secundaria Obrigatoria e ciclos formativos de grao básico) reguladas na Lei Orgánica 2/2006, do 3 de maio, de Educación, modificada pola Lei Orgánica 3/2020, do 29 de decembro, e os centros de educación de persoas adultas, que desenvolvesen proxectos de clubs de lectura. Os integrantes do club de lectura deberán ser principalmente estudantes do centro, aínda que tamén se poderían unir outros membros da comunidade educativa.
