O luns 14 de maio terá lugar na sala Eisenman da Cidade da Cultura a xornada de presentación 'Propostas de consenso para o sector forestal de Galicia'.

A apertura do evento correrá a cargo de Enrique Sáez, presidente da Fundación Juana de Vega e José Manuel Iglesias, presidente do Cluster da Madeira e o Deseño de Galicia. 

O principal obxectivo deste encontro é presentar o documento de propostas de consenso para o sector forestal de Galicia, elaborado pola Fundación Juana de Vega e o Cluster da Madeira e o Deseño. 

Previamente á presentación do documento, abordaranse tanto os antecedentes e metodoloxía de traballo empregados como os obxectivos perseguidos.