Con motivo da celebración dos 150 anos do nacemento de Ramón María del Valle-Inclán, a Xunta de Galicia, en colaboración coas principais institucións e entidades vinculadas co escritor, promove un completo programa de actividades conmemorativas co fin de lle achegar ao conxunto da poboación a vida e a obra dun dos autores máis destacados da literatura do século XX. Roteiros literarios, edicións conmemorativas, espectáculos escénicos e musicais, recursos tecnolóxicos, obradoiros, exposicións, lecturas públicas e contacontos son algunhas das propostas para festexar esta efeméride durante todo o ano.