Acto de presentación do Observatorio de Saúde Pública de Galicia, instrumento dependente da Dirección Xeral de Saúde Pública que permitirá analizar, reunir, organizar e comunicar información relevante e de calidade no ámbito da saúde pública de Galicia.

O Observatorio está dirixido a profesionais da saúde, investigadores así como á sociedade en xeral. Ten por finalidade identificar tendencias e proporcionar datos clave para a toma de decisións en políticas e programas de saúde mediante a monitorización e avaliación do estado de saúde da poboación.