O sector mineiro dará a coñecer na Cidade da Cultura as súas iniciativas de divulgación e promoción para unha minaría sostible en Galicia. A xornada, organizada pola Cámara Oficial Mineira de Galicia, presentará a minaría galega como unha actividade que permite o desenvolvemento social e demográfico, compatible coa protección da natureza e que forma parte do patrimonio histórico e cultural galego, ofrecendo ao mesmo tempo materias primas para o estado de benestar.

O acto terá lugar o 12 de febreiro no Edificio CINC da Cidade da Cultura e contará coa participación do conselleiro de Economía e Industria da Xunta de Galicia, Francisco Conde.

PROGRAMA

• 12:15 h. Recepción de asistentes
• 12:30 h. Apertura oficial e benvida
• 12:35 h. Presentación das iniciativas das entidades e asociacións
• 13:05 h. Intervención do conselleiro de Economía e Industria, Francisco Conde
• 13:20 h. Despedida e conclusións
• 13:25 h. Fin do evento

A asistencia ao evento é de balde. Inscricións no seguinte enlace.