O vindeiro 14 de maio a Aula 1 da Biblioteca de Galicia acolle unha xornada explicativa do Concurso de Ideas do Cluster de Turismo de Galicia, dirixida a todos os asociados da entidade.
Este concurso de ideas ten o obxectivo de seleccionar os 7 mellores proxectos e polos en marcha desde o CTG por un importe máximo de 174.000 euros en total. Cada proxecto deberá ser presentado por máis dunha entidade asociada ao CTG, sen prexuízo de que o desexable sería que se agrupasen todas aquelas coincidentes pola finalidade do proxecto. Cada asociado poderá presentarse unicamente a un proxecto que deberá centrarse nalgunha das seguintes actividades propostas:
- Organización de workshop con operadores de proximidade
- Organización dun Workshop nunha cidade de proximidade con emisores e operadores de comercialización
- Organización de viaxes de familiarización con operadores estranxeiros
- Creación ou consolidación de produto orientado a algunha das seguintes actividades: Camiño de Santiago, Bosques de Galicia, Mananciais de Galicia, Paseando entre viñedos, Turismo mariñeiro, Faros e praias salvaxes, Santuarios máxicos, Patrimonio oculto, Camelias de Galicia e top 10
- Creación ou consolidación de produto orientado a: turismo cultural, turismo de praia e costa, turismo náutico, turismo interior e rural, turismo MICE, turismo urbano, turismo de saúde e termal, turismo activo e turismo de golf.
- Creación ou consolidación de produto turístico emerxente ou orientado/enfocado a públicos prioritarios (senior, millenials, turismo familiar).
En calquera caso todos os proxectos aprobados deberán estar terminados e xustificados antes do 1 de novembro de 2019. O prazo para presentar as propostas, que deberán enviarse por correo electrónico o ao enderezo st@ctg. gal, remata o 31 de maio.
