A Cidade da Cultura de Galicia acolle I Edición dos Premios Loitadores, a festa da Fisioterapia galega na que se dará a benvida aos que inician a súa andaina profesional, recoñecerase a traxectoria a profesionais con longa traxectoria, e homenaxearase aos verdadeiros Loitadores e Loitadoras do día a día.
Trátase dun evento concibido seguindo o lema Loitador! Non te deteñas, que caracteriza tanto o espírito dos edas pacientes como o da profesión e que se expón como “un encontro entre colexiados e poboación, no que haberá espazo para a divulgación profesional da man de Loitadores e Loitadoras do cotián, entrega de premios ao esforzo e superación, Fisioterapia e moito máis”.
Xa está aberta a inscrición para participar neste evento organizado polo CoFiGa, ao que os colexiados e colexiadas que o desexen poderán asistir con acompañantes.
Todos os asistentes deberán cumprimentar, antes do 11 de febreiro/2019, o formulario que pódese descargar na seguinte ligazón: http://www.cofiga.org/premios-loitadores
GALARDÓNS E TESTEMUÑOS
A atleta viguesa Desirée Vila e a Asocación de Atrofia Muscular Espinal serán garladoadas nesta edición, na que compartirán os seus testemuños o nadador paralímpico Chano Rodríguez Veloso, a fisioterapeuta e médico viguesa Susana Rodríguez Gacio e campioa do mundo de paratriatlón, e a cantante e actriz Miriam Fernández.
