O titular do Goberno Galego, Alberto Núñez Feijóo, acompañado do conselleiro de Cultura, Educación e Universidade, Román Rodríguez, participará na entrega dos Premios da Cultura Galega 2020. O acto terá lugar no salón de convencións do edificio CINC , con intervención aberta aos medios (só poderán acceder os medios previamente acreditados).
Ademais, o acto poderá seguirse por streaming na canle de Youtube da Consellería de Cultura: https://www.youtube.com/watch?v=d8a3mA8se-U
Os Premios da Cultura Galega teñen por obxecto apoiar o labor creativo en Galicia e a súa expansión nos novos espazos que se abren na actualidade en diferentes ámbitos. Neste acto recollerán os seus galardóns a escritora Ledicia Costas, o fotógrafo Xurxo Lobato, a Federación de Teatro Afeccionado de Galicia (FEGATEA), a Central Folque, o exdirector da Filmoteca Española Chema Prado, o dinamizador da cultura e a lingua galegas Xosé González Martínez, a Fundación Penzol e a responsable do Centro de Estudos Galegos en Budapest, Ildiko Szijj.
Los premiados foron distinguidos nas modalidades de Letras, Artes Plásticas, Artes Escénicas, Música, Audiovisual, Lingua, Patrimonio Cultural e Proxección Exterior respectivamente.
