A Fundación Arume organiza o día 10 de outubro no Edificio Fontán da Cidade da Cultura o encontro sectorial Piñeiros 23, que busca situar a Galicia como escaparate internacional da innovación na cadea forestal – madeira de coníferas. Nesta terceira edición, o programa divídese en tres bloques principais: edificios de baixo impacto con coníferas do sur de Europa; innovación e cooperación na mellora xenética do piñeiro radiata, e bioeconomía e madeira no espazo rural (moble, viño, arte e turismo).

O recoñecido arquitecto David Chipperfield, fundador e presidente da Fundación RIA será o encargado de impartir a conferencia inaugural do encontro. Ademais, o evento porá un foco especial en Euskadi, un dos territorios referente no manexo silvícola e no aproveitamento industrial do piñeiro radiata, sumando a participación de investigadores, empresas e outras entidades da comunidade vasca nos diferente espazos do programa.

A asistencia ao evento é por inscripción previa, que pode solicitarse a través do mail arume@fundacionarume.gal. Poderá asistirse presencialmente ou por vía streaming.

Máis información e programa completo de Piñeiros 23 neste ENLACE.