O Colexio Oficial de Fisioterapeutas de Galicia (CoFiGa) organiza a Noite da Fisioterapia Galega, un encontro lúdico de convivencia que servirá de marco para dar a benvida aos e ás fisioterapeutas que recentemente iniciaron a súa traxectoria profesional incorporándose á institución colexial, render homenaxe a compañeiros/as xa xubilados/as, colexiados/as honorarios/as que dedicaron a súa vida á Fisioterapia, ademais de facer entrega dos Premios CoFiGa 2022 a diferentes profesionais que se distinguiron polo seu labor no desenvolvemento e proxección da Fisioterapia na nosa comunidade autónoma.
Coa asistencia de autoridades autonómicas e representantes do sector sanitario de Galicia, a Noite da Fisioterapia Galega desenvolverase o venres 16 de setembro no Museo Centro Gaiás, co xornalista José Rivero como mestre de cerimonias e condutor da gala.
Programa:
- 19:30 h / Recepción
- 20:30 h / Presentación
- 21:30 h / Cea
- 22:45 h / Entrega Premios CoFiGa 2022
- 23:40 h / Clausura
