O Instituto Galegodo Viño é unha entidade educativa privada con 10 anos de historia dedicados á difusión da cultura do viño en Galicia e enfocados en dar a coñecer os seus viños ao resto do mundo.

Desde setembro do 2023 a xuño de 2024 desenvolve a 11ª Edición do Curso Superior de Sumiller Profesional. Trátase do único máster privado en Galicia orientado á formación de profesionais do sector. O curso consta de clases presenciais con MastersofWine, Sommeliers de 3* Michelin, Doutores en Enoloxía, Adegueiros de renome... Máis de 600 viños catados por ano e 5 viaxes formativas nacionais e internacionais a zonas vitivinícolas.

• Clases presenciais todos os luns no Espazo OFF da Cidade da Cultura, desde o 4 de setembro de 2023 ata xuño de 2024.
• Horario: De 9:00 a 14:00 h e de 16:00 a 20:00 h
• Dirixido: Catadores e camareiros; titulados en FP relacionados coa materia; persoal de tendas especializadas, traballadores, empresarios e directivos do sector hostaleiro; viticultores, enólogoes/enólogos e persoal de adegas en xeral; titulados en hostalería que desexan especializarse; distribuidores e importadores; xornalistas especializados, bloggers e comunicadores ; afeccionados que desexan profundar os seus coñecementos e docentes relacionados co ámbito vitivinícola.