A Axencia Galega de Calidade Alimentaria celebra as primeiras xornadas técnicas internacionais sobre a Infección Bovina Respiratoria (IBR). Este evento reúne a diversos especialistas para abordar o control da prevención desta enfermidade que afecta ao gando.
O evento está dirixido a persoal técnico e asesor da Consellería do Medio Rural e das Asociacións de Defensa Sanitaria de Galicia. A inauguración contará coa presenza de destacados profesionais do ámbito da saúde animal, como o Dr. Ignacio Arnaiz da Consellería do Medio Rural e Elena Villacieros do Ministerio de Agricultura, Pesca e Alimentación. Tamén se presentarán estudos de casos doutros países como Alemaña, Irlanda e Francia, proporcionando unha perspectiva máis ampla da estratexia de control empregada a nivel internacional.
O congreso destaca por unha serie de mesas redondas onde se discutirá dende a situación do programa oficial de control da IBR en España ata o diagnóstico laboratorial da enfermidade. Participarán expertos como o Prof. Dr. Karsten Donat de Thüringer Tierseuchenkasse y la Dra. María Guelbenzu de Animal Health Ireland, quen ademáis abordarán os avances en diagnóstico e tratamento.
Outros dos temas do congreso será o uso de vacinas nos plans de erradicación da IBR, coa participación de representantes das empresas farmacéuticas líderes no sector, como Sergio Rodríguez Pedrouzo de Vetia e Nacho Peón de Zoetis. Estas discusións buscan ofrecer solucións concretas e eficaces para a xestión da enfermidade.
