GaliciaTIC terá lugar o 14 de outubro na Cidade da Cultura, nun momento clave de maduración de tecnoloxías disruptivas e a súa aplicación ao mundo empresarial e á sociedade. A Trasformación Dixital non é opcional e con todo aínda necesita impulso para determinados sectores e empresas, sobre todo dun menor tamaño. É por iso que a próxima edición de GaliciaTic quere seguir contribuíndo a esta trasformación en Galicia, atraendo a sectores non TIC como parte activa da evolución tecnolóxica e prestando especial atención ás tecnoloxías que conformarán un novo ecosistema dixital nos próximos anos.
En 2020, concentraranse as actividades de GaliciaTic nunha xornada matinal e a asistencia seguirá sendo gratuíta, previa invitación por parte dun patrocinador ou dos organizadores, sendo o principal público obxectivo os profesionais do sector TIC, pero tamén directivos e responsables tecnolóxicos de sectores non TIC.
