O Clúster Alimentario de Galicia organiza o IV Foro Galicia Alimentación. Un espazo de encontro para a  análise das tendencias de consumo e os desafíos globais do sector dos alimentos e as bebidas, tamén unha plataforma de divulgación das boas prácticas e permitirá, ademais, xerar conexións e oportunidades de colaboración no sector. No Foro analizaranse aspectos como a innovación, o deseño e a sustentabilidade na cadea de valor e as tendencias globais en alimentación e saúde

Así mesmo, neste marco, entregaranse os V Premios Galicia Alimentación, os cales pretenden contribuír a promocionar os produtos alimentarios e as bebidas de Galicia, os proxectos e as empresas e institucións relacionadas e incrementar a súa visibilidade de forma que adquiran unha importancia relevante na sociedade. A través deles, recoñécese o esforzo das empresas por crear produtos innovadores, evolucionar no seu modelo de negocio cara a unha maior competitividade e sustentabilidade ou desenvolver novas estratexias de mercado e internacionalización. Así como, o labor das institucións que apoian ao sector alimentario no devandito crecemento.

A entrega de premios, prevista para as 14h, estará presidida polo presidente da Xunta de Galicia.