O Comité Galego de Adestradores da Real Federación Galega de Fútbol (RFGF) organiza o vindeiro sábado 29 de outubro o xa tradicional "Día do Adestrador", un evento que terá lugar no Edificio Fontán da Cidade da Cultura de Galicia, en Santiago de Compostela, a partir das 19 horas.

Nesta nova edición que pon en marcha o departamento que dirixe Iván Cancela, e que será en formato de mesa redonda, estarán presentes tres adestradores de primeiro nivel: o galego Rubén de la Barrera, Luis de la Fuente e Pablo Machín.