O circuíto de carreiras saudables, CorreSan celebra o domingo 14 de stembro a Ruta dos Parques, con saída desde a Cidade da Cultura ás 11 horas. O trazado da categoría absoluta desenvólvese ao longo de 5,5 km, atravesando o Bosque de Galicia para continuar polo Paseo Fluvial de Sar e remtatar no parque Eugenio Granell.
Haberá tamén categorías para nenas e nenos cun percorrido de cun percorrido de 1,1 km e para a rapazada con 2,1 km de distancia.
As inscricións están abertas a través da web de Carreiras Galegas.
O circuíto de Carreiras Saudables CorreSAN 2025 é un programa de carreiras organizadas pola Federación Galega de Atletismo e patrocinadas polo Concello de Santiago de Compostela a través do seu departamento municipal de deportes. O circuíto representa unha iniciativa que traslada o deporte ata os barrios e zonas onde normalmente xa se practican diferentes deportes, en especial o atletismo na súa vertente máis popular.
