O vindeiro mércores 29 de marzo, ás 16:30, o CISPAC recibirá ao experto en Dereito Ambiental, Michel Prieur, quen ofrecerá unha conferencia sobre o Convenio Europeo da Paisaxe no Edificio Fontán.
O profesor Michel Prieur é un dos máis grandes recoñecidos expertos en Dereito Ambiental, tamén coñecido por ser profesor emérito e presidente do Centro Internacional de Dereito Comparado Ambiental (CIDCE) na Universidade de Limoges. Destaca tamén, entre outras cousas, por promover en 1974 a creación da Société française du droit de l’environnement (Sociedade Francesa do Dereito Ambiental), e en 1976 da Revue juridique de l’environnement (Revista de Dereito Ambiental), ambas moi importantes para o Dereito Ambiental moderno e o apoio aos valores sostibles. No ano 2000 interveu como experto internacional na comisión preparatoria para a redacción do Convenio Europeo da Paisaxe que tivo lugar en Florencia, tema sobre o que versará nesta conferencia.
Máis información sobre o CISPAC e os seus eventos na súa páxina web.
