Esta formación de música infantil recolle os clásicos populares galegos dándolle o seu toque particular, dende A Carolina “rapeada” ata O Jato “rockeiro”, pasando por outros moitos temas tradicionais.

Todo o seu repertorio é moi dinámico, coa intención de facer partícipes a todos os nenos e nenas que asistan á actuación, ateigada  de bailes, xogos, coreografías e algunha que outra sorpresa.