FEGAUS, Federación Galega de Asociacións Universitarias Sénior, organiza a xornada Asignatura pendente do século XXI: Formación ao longo da vida, para informar sobre o proceso do envellecemento, achegando a formación, experiencia profesional e talento dos alumnos dos Programas Universitarios de Maiores ( PUM) e facilitando aos maiores en particular, e á sociedade en xeral, os medios e a tecnoloxía que permitan ás persoas maiores acceder á formación e coñecementos nas TIC´ s, imprescindibles no século XXI, difundindo os PUM como ferramenta eficaz e favorable para o Envellecemento Activo dun sector da poboación que aumenta en cantidade, en esperanza de vida e en calidade das súas actividades.
As persoas maiores atópanse en condicións de fortalecer e desenvolver actividades intelectuais, culturais ou físicas, atrasándose así a deterioración mental e anímica que ocorre no proceso fisiolóxico do envellecemento. Han de sentirse protagonistas do seu proxecto vital para conseguir coa súa actitude, que a vellez sexa unha etapa máis completa de desenvolvemento vital e non unha fase de declive e déficit. Demostrar coa súa conduta que aínda poden alcanzar cotas máis altas nos diversos campos tecnolóxicos, familiares, sociais ou económicos, para os que se atopan preparados.
