A Xunta de Galicia despide hoxe na Cidade da Cultura a cuarta edición do Encontro Galego de Cultura Popular, Serán’04 con dúas destacadas actuacións que poñen o ramo a tres intensos días de actividades ao redor da nosa música e baile tradicional. Por unha banda, un concerto de Coros Enxebres, coa participación do Coro tradicional Xacarandaina (A Coruña), Cantares do Brión (Gondomar), a centenaria Coral de Ruada (Ourense) e as Pandeireteiras de XOC, que reúne a intérpretes de Xacarandaina, O Fiadeiro e Cantigas e Agarimos.
A Xunta de Galicia converte esta fin de semana o Gaiás en epicentro da nosa cultura popular, música e baile tradicional coa cuarta edición do Serán, que dá comezo o venres 20 de xuño e inclúe un gran festival folk que reunirá sobre o escenario algúns dos nomes máis destacados do ‘tradi’ actual: Xabier Díaz & Adufeiras de Salitre, De Ninghures, Tres Pesos e Xosé Lois Romero & Aliboria. Os interludios entre as bandas correrán ao cargo da agrupación Os Enxebres de San Lázaro.
O director xeral de Cultura, Anxo M. Lorenzo, inaugurou esta mañá a mostra Boris Savelev. Viewfinder, unha forma de mirar na Cidade da Cultura, un proxecto expositivo da Xunta de Galicia que achega ao público galego a obra dun dos fotógrafos urbanos contemporáneos máis influentes da súa xeración.
O conselleiro de Cultura, Lingua e Xuventude, José López Campos, inaugurou esta mañá a mostra Botamos un baile? Un século de orquestras de verbena en Galicia, que contempla a evolución destas agrupacións desde principios do século XX ata a actualidade. O proxecto, que se enmarca dentro das itinerancias expositivas da Cidade da Cultura, pode visitarse na Praza da Música de Ponteareas ata o vindeiro 30 de xuño.
O conselleiro de Cultura, Lingua e Xuventude, José López Campos, inaugurou hoxe no Museo de Mar de Galicia Viquingos. Unha ollada desde Galicia, exposición con carácter internacional que permitirá ao público descubrir a pegada que deixaron na nosa cultura as incursións dos pobos nórdicos ao longo da Idade Media. A mostra, que se poderá visitar en Vigo ata o 28 de setembro, reúne 75 pezas procedentes de museos e institucións de Suecia, Galicia e Andalucía.
Páxinas
- « primeira
- ‹ anterior
- …
- 14
- 15
- 16
- 17
- 18
- 19
- 20
- 21
- 22
- …
- seguinte ›
- última »