Sala de prensa

 
Santiago, 12 de Xaneiro de 2019
O programa de axudas 'O teu Xacobeo' preséntase na Cidade da Cultura de Galicia

O conselleiro de Cultura e Turismo, Román Rodríguez, acompañado da comisaria do Xacobeo 21, Cecilia Pereira, presentou hoxe O teu Xacobeo, a primeira convocatoria aberta de proxectos destinada a incorporar e cofinanciar novas iniciativas na antesala do Xacobeo 21. Ante 400 persoas nun acto celebrado na Cidade da Cultura, o conselleiro chamou a todos os galegos a construír xuntos o Ano Santo máis participativo a través deste programa, aberto a calquera cidadán, empresas, entidades públicas e privadas e sen ánimo de lucro da Comunidade.

Santiago, 08 de Xaneiro de 2019
O Gaiás duplica o número de visitas no Nadal grazas a ‘Castelao maxistral' e ás actividades para público familiar

A Cidade da Cultura duplicou o número de visitas no Nadal grazas á exposición Castelao maxistral. A boa obra ao mestre honra —que exhibe por vez primeira en Galicia ‘A derradeira leición do mestre’— e ás actividades para público familiar de Cidade do Nadal, unha urbe máxica con obradoiros, cunha grande para decorar conxuntamente e cun premiado espectáculo familiar.

Santiago, 03 de Xaneiro de 2019
Un concerto da Orquestra de Cámara Galega despedirá 'Castelao maxistral'

A Consellería de Cultura e Turismo despedirá cun concerto da Orquestra de Cámara Galega a exposición Castelao maxistral, a mostra organizada por la Xunta de Galicia na Cidade da Cultura que está a brindar a oportunidade de contemplar por vez primeira en Galicia A derradeira leición do mestre, o lendario óleo pintado polo intelectual e artista de Rianxo en Buenos Aires (Arxentina).

Santiago, 28 de Decembro de 2018
O Gaiás lembrará a etapa de Castelao no exilio cun concerto da Filharmonía de Galicia e un encontro con persoas refuxiadas

A Cidade da Cultura de Galicia continúa a despregar actividades ao redor de Castelao maxistral, a exposición que permite contemplar por vez primeira en Galicia a ‘A derradeira leición do mestre’, lendario cadro visitado xa por máis de 20.000 persoas. Este programa arrancará en 2019 cunha xornada dedicada ao exilio xa que foi nesta circunstancia cando o artista de Rianxo pintou o óleo que artella o relato da mostra.

Santiago, 17 de Decembro de 2018
Escenas do cambio traerá a Esther Ferrer e Isidoro Valcárcel, dous tótems da arte da vangarda

A Cidade da Cultura de Galicia xa ten datas —do 7 ao o 16 de febreiro de 2019— para o festival máis vangardista das artes escénicas en Galicia, Escenas do cambio, no que se poderá ver un total de 17 obras escénicas, procedente de sete países (España, Portugal, Francia, Alemaña, Suíza, Polonia e Porto Rico) nunha programación que terá o privilexio de reunir nunha mesma edición a dous grandes referentes da vangarda, como son Esther Ferrer (Donostia, 1937)  e Isidoro

Páxinas