Sala de prensa

 
Santiago, 13 de Maio de 2014

A Consellería de Cultura, Educación e Ordenación Universitaria convida a celebrar o Día do Medio Ambiente no Museo Centro Gaiás con Rebufaplanetes, un espectáculo de Pep Bou co que descubrir a beleza que se esconde nas pompas de xabón. 

Santiago, 12 de Maio de 2014

Telefónica, en colaboración coa Xunta, pon en marcha Galicia Open Future, unha iniciativa para potenciar o emprendemento innovador na comunidade, integrado na rede Open Future da multinacional, que ofrecerá os seus recursos e ferramentas para o desenvolvemento 50 proxectos empresariais innovadores. Os seleccionados se beneficiarán, ademais, do Programa de Incentivos á Excelencia Innovadora en materia TIC da Xunta que conta cun orzamento de 750.000 euros.

Santiago, 09 de Maio de 2014

O Gaiás convértese esta fin de semana na Cidade do Futsal, onde deporte e lecer se complementarán para facer gozar aos máis pequenos xunto amigos e familia.

Da man do Santiago Futsal, a praza central do Gaiás acollerá numerosas actividades, todas elas de balde, desde un chutódromo con premios para aqueles que máis goles marquen, ata canastas e hinchables para os máis pequenos. Entorno a eles, estará a MiniFutsal Cup, dirixida a nenos e nenas de entre 7 e 12 anos, que xa ten o cupo completo.

Santiago, 07 de Maio de 2014

A Consellería de Cultura, Educación e Ordenación Universitaria celebra no Gaiás o Día das Letras Galegas cun recital poético-musical organizado polo Centro PEN Galicia para homenaxear ao poeta lucense Xosé María Díaz Castro no ano no que se conmemora o centenario do seu nacemento.

Santiago, 05 de Maio de 2014

A última sesión de Nexos, prevista para este sábado 10 de maio, aprázase ao 28 de xuño. A ausencia de Félix de Azúa, relator principal, por problemas de axenda obrigou a retrasar esta última sesión dedicada ao malditismo nas artes, que finalmente contará coa presenza do escritor Vicente Molina Foix.

Páxinas