O proxecto Life Seacan nace cun compromiso claro pola preservación do medio mariño. Galicia é, neste sentido, unha rexión con gran diversidade mariña e que depende, en gran medida, das súas costas, polo que a conservación destes ecosistemas require dunha una elevada responsabilidade.
No marco deste proxecto desenvólvense dúas tecnoloxías: AGS (Aerobic Granular Sludge) e MBBR(Moving Biofilm Bed Reactor) que apostan por unha xestión sustentable das augas residuais procedentes da industria conserveira. Estes innovadores sistemas de tratamiento – baseados en bioprocesos de biopelícula – permitiron reducir o consumo enerxético do proceso e, consecuentemente, a pegada de carbono, ademais de obter un efluente de óptima calidade para o seu posterior verquido no cauce natural.
O día 8 de outubro en Santiago de Compostela terá lugar o workshop final deste proxecto, “Cara unha xestión sustentable na industria agroalimentaria: Innovación no tratamento e valorización de correentes residuais”, onde se tratarán todas estas temáticas, dando un paso cara a unha xestión cada vez máis sustentable que interfira cada vez menos no medio natural.
