Algalia pon en marcha un Curso de captación e xestión de fondos para entidades sen fin de lucro que, en tres sesións, ten como obxectivo implicar a persoas para que participen nunha causa.
Os obxectivos que se pretenden son os seguintes:
- Reflexionar sobre as condicións necesarias para a captación de fondos e cal é o potencial de cada unha das entidades asistentes para as diferentes técnicas de captación de fondos.
- Identificar as claves da comunicación nas organizacións para orientala á captación de fondos.
- Coñecer as claves e técnicas das distintas fontes de financiamento ás que poden acceder as organizacións.
- Ser capaz de implementar distintas técnicas de captación de fondos en función do obxectivo perseguido e das características do proxecto.
- Asegurar que se cumple o marco legal nas accións de captación
Programa
Primeira sesión 6-7 de xullo de 2017. Comunicar para involucrar. Xerar ingresos pasa por atraer e captar a persoas para que participen na nosa causa, e a comunicación é o primeiro paso. Como se integra a captación de fondos na planificación, a estrutura e a cultura dunha organización.
Segunda sesión 21-22 Setembro de 2017. Empezando pola base. Os socios son máis que doantes que achegan estabilidade económica, xeran a lexitimidade social para levar adiante os nosos proxectos.
Terceira sesión 26 de Outubro de 2017. Xerando seguridade e confianza: A organización que define utilizar a captación de fondos como vía de financiamento ha de velar por un cumprimento e unha xestión adecuada para manter a relación de confianza cos seus doantes.
