A Cidade da Cultura de Galicia acolle un ano máis o Torneo de Debate, no que 24 equipos de toda España tratará de demostrar quen é o mellor na arte da oratoria.
Durante a xornada do venres e sábado, os equipos enfrontaranse nas fases preliminares ao redor dun tema elixido pola organización e non coñecerán a postura a defender ata minutos antes da súa intervención. A gran final terá lugar o domingo na Biblioteca e Arquivo de Galicia da Cidade da Cultura, de onde sairá o gran gañador.
O Gaiás ofrécese así como escenario no que impulsar a cultura da oratoria e da retórica a través dunha batalla dialéctica que reunirá durante tres días aos mellores ao redor dun gran debate intelectual. A actividade conta co apoio tamén da Escola de Negocios AFundación.
