No Mes do Alzheimer de 2023, un grupo de persoas maiores da entidade AGADEA ALZHEIMER, acompañadas de alumnado do colexio Divino Maestro de Santiago de Compostela, plantarán un centenar de árbores autóctonas para crear o Bosque da Lembranza de Galicia, en homenaxe ás persoas que sofren Alzheimer e ás súas familias.

Este bosque, ubicado na ladeira suroeste do monte Gaiás, estará formado por bidueiros, espiños e érbedos, e cada unha destas árbores levará o nome da persoa que a plantou. 

A iniciativa nace froito da colaboración entre a entidade Agadea Alzheimer, a Xunta de Galicia e a Cidade da Cultura de Galicia.