A Dirección xeral de Ordenación do Territorio e Urbanismo da Consellería de Medio Ambiente, Territorio e Vivenda organiza a Xornada Técnica “20 anos da LOUGA. O Urbanismo do século XXI”, que se celebrará o 31 de xaneiro de 2023 no Museo Centro Gaiás da Cidade da Cultura, en Santiago de Compostela.

O programa inclúe dúas mesas redondas centradas nos cambios lexislativos dos últimos anos relacionados co urbanismo en Galicia e na redacción e tramitación do planeamento. As normas técnicas de planeamento de Galicia serán o tema da ponencia de peche da xornada. O acto contará coa participación da conselleira de Medio Ambiente, Territorio e Vivenda, Ángeles Vázquez Mejuto.