A Cidade da Cultura (Santiago de Compostela) volverá acoller o evento do ano sobre materias primas críticas para o desenvolvemento: ‘Minerais estratéxicos para a industria’. Trátase da segunda edición do evento organizado pola COMG a través da plataforma Minería Sostible de Galicia e que ten como meta crear un espazo de diálogo entre a minería e outros sectores fundamentais para a economía que dependen en gran medida dos recursos obtidos por ela.
‘Minerais estratéxicos para a industria’ é unha cita ineludible para diferentes sectores industriais esenciais para avanzar cara á sustentabilidade: enerxías renovables, automoción, naval, etc.
A xornada principal será o 27 de outubro no Auditorio Neira Vilas e desenvolverase a través de mesas redondas. Nela, tratarase un dos temas que marca a actualidade: a crise de materias primas global que xera desabastecemento e sobrecustos en sectores fundamentais para a sociedade. Os participantes provirán do sector mineiro, a investigación e da industria.
Por outra banda, o día 28 de outubro, os que o desexen poderán asistir a unha visita guiada -prazas limitadas- á Mina de Penouta (Ourense) para coñecer a única explotación de coltan de Europa.
Máis información, programa e inscricións AQUÍ.
