Esta xornada organizada pola Fegamp, abordará os aspectos máis relevantes sobre a xestión da fracción orgánica dos residuos sólidos urbanos (FORSU), a través de ponencias da Xunta de Galicia, SOGAMA, o Complexo Medioambiental do Barbanza ou a Deputación de Ourense. Ademais, na mesa de intercambio de experiencias locais daranse a coñecer iniciativas que se están a desenvolver desde diversos concellos, consorcios e deputacións provinciais. 

Vai dirixida a persoal ao servizo das administracións públicas, alcaldes, concelleiros e interesados en xeral. 

Máis información no web da Fegamp e no programa da xornada (dispoñible neste enlace). As prazas son limitadas, pode realizarse a inscrición ata o 3 de maio.

A directora xeral de Calidade Ambiental e Cambio Climático, Cruz Ferreira Costa, participará na inauguración ás 9.45 horas.