Baixo o patrocinio da Fundación AISGE e coa colaboración da AGADIC-Xunta de Galicia e a Fundación Cidade da Cultura, a Asociación de Actores e Actrices de Galicia organiza un obradoiro impartido pola actriz Mónica Portillo.
Licenciada en Arte Dramática polo Institut del Teatre de Barcelona, continúa os seus estudos en técnica de cámara en Madrid (master en UNIR escola de Actores) e compaxínao á súa vez con workshops con Clara Segura e Julio Manrique entre outros. Máis tarde vaise a estudar a Estados Unidos, a Nova York no Susan Batson Studio recibindo coaching da mesma Susan Batson, Cloe Xhauflaire e Carl Ford entre outros. Despois da súa formación e todo o descubrimento emocional-actoral que potencia e perfecciona a técnica do actor, xa sexa en cámara ou en escenario, interésase e anima para transmitir a idea do Ximnasio Emocional do Actor en Barcelona e Madrid, cunha proposta de coaching para actores.
Como actriz, aparte da súa traxectoria no teatro “ off” de Barcelona e Madrid e a creación da súa propia Compañía Bratislava Teatro, no 2015 entra na ITNC, Nova Compañía do TNC de Barcelona, e meses despois, na Joven Compañía Nacional de Teatro Clásico deMadrid. Tamén participou en montaxes como: "Préstame tus palabras" da JCNTC, "Tirante el Branco" de Pere Planella no TNC; "La Gran Duquessa de Gerolstein" de Jacques Offenbach dirixida por Víctor Álvaro, IMe no Pequeno Teatro da Gran Vía entre outros. En televisión o seu papel destacado foi interpretar a Humildad na serie de TVE “Acacias 38”.
