O Centro de Emprendemento da Cidade da Cultura acolle o xoves 20 de setembro a xornada 'Xestión integral dos dereitos de Propiedade Industrial e Intelectual', organizada polo programa Galicia Open Future.
Hoxe en día, aprender a xestionar e sacar partido os activos de Propiedad Industrial e Intelectual (dereitos, patentes, marcas, licenzas, etc.) é fundamental para desenvolver de maneira eficaz calquera proceso de innovación tanto en empresas como en organizacións. Expertos de Clarke, Modet & Cº explicarán nesta xornada os fundamentos para realizar unha axeitada protección e explotación destes activos.
Clarke, Modet & Cº é un dos maiores grupos especializados en Propiedade Industrial e Intelectual en países de fala hispana e portuguesa.
Galicia Open Future_ Retos Industria 4.0 é unha iniciativa promovida por Telefónica en colaboración coa Xunta de Galicia que ten como finalidade impulsar o sector industrial de Galicia, aspirando a posicionarse como punto de conexión entre o novo talento emprendedor innovador, tanto local como internacional, e as empresas tractoras de Galicia.
O acceso á xornada será por convite previo da organización.
