O Cluster de Turismo de Galicia convida a todas as empresas turísticas a participar na creación de produtos de turismo activo para a súa promoción nacional e internacional, a través do Workshop "Galicia, Destino Activo". Nesta iniciativa poderán participar, ademais das empresas de turismo activo, aloxamentos, axencias de viaxes e guías turísticos entre outros.
Tras unha primeira xornada celebrada o pasado mes de maio co obxectivo de xuntar ás empresas turísticas de Galicia para dar a coñecer o programa de promoción Galicia Destino Activo para 2018, segue esta segunda destinada a implicar a estas entidades na creación de produtos turísticos participativos para a súa promoción e comercialización.
O día 11 de xuño todas as empresas que forman parte dos grupos de traballo dos produtos seleccionados por Galicia Destino Activo acoden pois a unha nova reunión onde se mostrarán as necesidades de información precisas para a dotación de contido gráfico, de texto e de vídeo.
Galicia Destino Activo é a marca de referencia de promoción do turismo activo de Galicia, que naceu en 2015 a partir do concurso de ideas do Clúster de Turismo de Galicia e que desde ese momento está activando a promoción desta disciplina en mercados exteriores. Para isto, o Clúster conta co apoio técnico do grupo promotor de Galicia Destino Activo, conformado pola Asociación Galega de Empresas de Turismo Activo (AGETAN), a touroperadora CN Travel, o grupo Caldaria e a Asociación Galega de Axencias de Viaxes (AGAVI).
Máis información no web: http://xornada.galiciadestinoactivo.com/
