A sexta edición de  UNVEX, o maior evento nacional sobre UAS, celebrarase do 7 ao 9 de xullo de 2021 na Cidade da Cultura. Tras o éxito de edicións pasadas, e debido ás restricións motivadas pola crise do Covid-19, esta edición terá un formato híbrido. 

Nesta ocasión, IDS conta coa colaboración da Xunta de Galicia, a través da Civil UAVs Initiative. UNVEX abordará os novos retos e novidades dos sistemas non tripulados nos servizos públicos e como as novas tecnoloxías o fan posible.

Os maiores expertos na materia daranse cita para contarnos de primeira man as novidades do sector e a ampla gama de servizos públicos que ofrecen, a través de expositores, conferencias e demostracións.