O Cluster da Madeira e o Deseño de Galicia, en colaboración coa Cidade da Cultura, organiza unha sesión de charla-diálogo na que profesionais de recoñecido prestixio debatirán sobre as diferentes solucións que ofrece a madeira no ámbito da rehabilitación.
Por unha banda, as arquitectas Cristina Ouzande e Cristina Ezcurra exporán a súa experiencia con este material a través da exposición de diferentes intervencións en rehabilitación. Por outra, a arquitecta do departamento técnico de Molduras del Noroeste, Tania Pichel, amosará as solucións técnicas que ofrece a madeira adaptada a este uso.
Expostas as posturas das relatoras, abrirase o debate coas persoas asistentes. O tema do debate será fundamentalmente a rehabilitación en madeira: propostas e solucións.
