Asepeyo ten en marcha a unidade móbil “Ruta 151”, que percorrerá máis de 80 poboacións españolas durante o próximos tres anos, e na que ensinan todas as novidades en prevención de riscos laborais e empresa saudable.
Esta unidade móbil ten como obxectivo a promoción, difusión e sensibilización en boas prácticas en prevención de riscos laborais e a implementación de hábitos saudables. A previsión é que máis de 15.000 empresas mutualistas se sumen a esta experiencia e a vivan en primeira persoa.
A unidade móbil "Ruta 151" chega á Cidade da Cultura o martes 9 de novembro
Os distintos contidos que se expoñen nesta unidade móbil responden á análise do impacto positivo que xera a aplicación dos avances tecnolóxicos no ámbito da prevención de riscos laborais, seguindo 3 liñas de actuación:
- Innovación para facer máis atractiva a prevención e potenciar os efectos da sensibilización, a través da gamificación e da dixitalización.
- Desenvolvemento de novos contidos, especialmente dirixidos ao equipo directivo das empresas e ao persoal con responsabilidades en prevención.
- Investigación sobre as boas prácticas fronte aos riscos emerxentes.
