O vindeiro xoves día 15 de novembro ás 19:00 horas celébrase, na Cidade da Cultura, o acto de recoñecemento ás empresas socias e colaboradoras coa Asamblea Comarcal da Cruz Vermella en Santiago de Compostela. O obxectivo é recoñecer publicamente a participación activa das entidades que apoian o Plan de Emprego de Cruz Vermella, xunto con outras empresas colaboradoras. Esta contribución plasmouse na realización de varias accións conxuntas tales como a acollida de alumnos e alumnas en prácticas, a derivación de ofertas de emprego, sesións de orientación profesional, cesión de espazos ou profesionais e, en resumo, impulsando a creación de mercados inclusivos.

A estrutura básica do acto será a seguinte:

• Recepción de asistentes con photocall.
• Benvida e presentación do acto por parte do humorista Victor Grande.
• Entrevista informal a diferentes empresas colaboradas e a usuarios da asamblea.
• Entrega de diplomas a empresas colaboradoras.
• Ao finalizar o acto realizarase unha foto grupal con todas as empresas asistentes e haberá un pequeno catering.