Presentación de plan de internacionalización: FOEXGA 2021

Xornada de formación en liña destinada a profesionais e empresas do sector cultural e creativo que queiran informarse sobre a recente convocatoria do Plan de Fomento das Exportacións Galegas, (Foexga), que no seu conxunto vai destinar 2,3 millóns de euros a impulsar 160 accións de internacionalización do tecido produtivo galego en máis de 20 países, das que se poderán beneficiar arredor de 630 empresas.

Esta nova edición do Foexga, que desenvolve a Vicepresidencia segunda e Consellería de Economía, Empresa e Innovación, a través do Igape e en colaboración coas cámaras de comercio galegas, promove que as empresas poidan participar en accións de internacionalización como misións comerciais directas, feiras internacionais e en eventos promocionais durante 2021 e 2022 tanto en formato presencial como noutros alternativos, como o dixital.

Entre os mercados prioritarios para esta convocatoria do Foexga están China, India, Israel, Xapón, Portugal, Marrocos, Brasil, Emiratos Árabes, Estados Unidos ou Canadá, e no marco do programa a Cámara de Comercio de Santiago de Compostela ten xa programadas un total de sete misións comerciais para impulsar as exportacións de pemes e autónomos aos seguintes destinos: Grecia e Chipre, Arxelia, Catar e Omán, Ecuador e Colombia, Suíza, Singapur e Malasia, e Chile e Perú. 

A xornada formativa sobre Presentación de plan de internacionalización: FOEXGA 2021 permitirá afondar nos detalles da convocatoria. Desenvolverase a través de videoconferencia e a asistencia é de balde, previa inscrición premendo aquí. Está enmarcada no Programa de Formación e Asesoramento para empresas e profesionais culturais que, en colaboración coa Cámara de Comercio de Santiago de Compostela, procura apoiar e mellorar a competitividade do sector neste momento especialmente delicado pola crise da covid-19.

 

 
 
18 Mar - 5 Set 2021
Aberta de martes a domingo | De 10 a 20 horas
23 Mar - 8 Ago 2021
Aberta de luns a domingo | De 10 a 20 horas
27 Mar - 15 Ago 2021
De martes a domingo, de 10 a 20 horas
14 Mai - 27 Ago 2021
Aberta de 9 a 21 horas
Verán 2021
De martes a domingo
Verán 2021
Martes e venres | 11h
Verán 2021
Mércores e sábados | 11h
Verán 2021
Xoves e domingos ás 11h
29 Xuñ -28 Ago 2021
8 Xul - 27 Ago 2021
21 horas
14 Xul 2021 - 9 Xan 2022
De martes a domingo | De 10 a 20 h
21 Xul 2021
Mércores a partir das 18 horas