O 4 de xuño a Consellería de Cultura, Educación e Ordenación Universitaria e Agadic presentan a segunda edición do Conecta FICTION. O acto de presentación contará coa presenza do titular de Cultura, Román Rodríguez, acompañado do director da Agadic, Jacobo Sutil.

Promovido pola Xunta de Galicia (a través da Agadic) xunto con ICEX España Exportación e Inversiones e Fundación SGAE, Conecta FICTION celebrarase do 18 ao 21 de xuño en Santiago de Compostela, con actividades profesionais na Cidade da Cultura de Galicia e distintas citas abertas ao público noutros espazos da cidade. Unha destas propostas será o Conecta FICTION FEST, o festival de series que se incorpora este ano ao programa como principal novidade.