O luns 31 de agosto, ás 12:00 horas, a OPP-20 presenta na Cidade da Cultura a campaña de promoción “Marisco de A Illa, Tradición e Saudable”, acción cofinanciada polo FEMP e XUNTA DE GALICIA, e enmarcada no PPeC da OPP-20, organización adicada ao marisqueo e acuicultura, constituída co obxectivo de fomentar a extracción dos recursos mariños vivos dunha forma responsable e sostible.
A finalidade deste iniciativa é a de promocionar o consumo de marisco de A Illa de Arousa, extraído pola OPP20, a través da colaboración cos seus clientes principais, o sector da restauración, promovendo o turismo gastronómico en Galicia en base á tradición e á saúde asociadas ó noso produto.
Nesta colaboración coa restauración galega, centra os seus obxectivos en tres dos produtos máis característicos da nosa costa: ameixa rubia, ameixa babosa e camarón.
