A Xunta de Galicia colabora coa Mobile Week Coruña organizando, o mércores 21 de novembro na Cidade da Cultura en Santiago de Compostela, unha Xornada de Ciberseguridade dirixida a empresas e á cidadanía en xeral. O evento divídese en dúas sesións:

A sesión da mañá, #PemeSegura.gal, está orientada a empresas e profesionais e contará con expertos na seguridade da información procedentes do INCIBE, e con Enrique Serrano, cofundador de Mundo Hacker. Inscrición á sesión #PemeSegura.gal.

Na sesión da tarde Ciberseguridade para tod@s, dirixida a pais e nais, nenos e nenas, educadores e cidadanía en xeral, trataranse medidas para facer un uso responsable de internet e protexernos ante cuestións como o fraude dixital, o sexting, a ciberviolencia de xénero ou ciberbullying. Inscrición á sesión Ciberseguridade para tod@s.

Programa de #PemeSegura.gal

• 9.15h  Acreditacións.
• 9.30h  Presentación institucional. Mar Pereira. Directora de Amtega e Antonio R. del Corral. Presidente do Clúster TIC.

• 9.45h  Relatorio: Ciberseguridade: que está pasando no ciberespazo?. Luis Hidalgo, Departamento de Relacións de INCIBE.
• 10.30h  Relatorio principal: Xestionar a ciberseguridade nas empresas dun xeito maduro. Enrique Serrano Aparicio. Experto en ciberseguridade.
• 11.30h  Pausa-café.
• 12.00h  Mesa temática de expertos, moderada por Adrian Lence, director da Área de Infraestruturas e Telecomunicacións de Amtega

Novo regulamento de protección de datos. Adenda
Novos servizos de seguridade. Tarlogic
A seguridade en contornos industriais. Balidea
Incidentes de seguridade. Inprosec
Recuperacion frente a desastres para pemes. Ultreia

• 13.30h  Peche.

Programa de Ciberseguridade para tod@s

• 16:30h  Inauguración.
• 16:45h  "Sexting, ciberviolencia de xénero e privacidade como factor de protección" - Ana Gálvez.
• 17:15h  "Por unga rede saudable" - Luis Fernando Villar Santos.
• 17:45h  "Fraude online: riscos no espazo dixital" - Carlos Pérez.
• 18:15h  Mesa de debate: "Ciberseguridade para tod@s", moderado por Marcus Fernández.
• 18:45h  Preguntas.
• 19:00h  Peche da xornada.