O capítulo español de ISACA organiza un roadshow en Santiago de Compostela o vindeiro 18 de setembro, que terá lugar no Edificio CINC da Cidade da Cultura. A xornada espera reunir un amplo grupo de profesionais da área de goberno, auditoría e riscos de TI, e ciberseguridade.

Durante a xornada terán lugar relatorios e mesas redondas nos que participarán expertos en cada área, sempre baixo un enfoque práctico e orientado a casos de éxito, coa finalidade de conseguir un intercambio de coñecemento e de boas prácticas.

Entre os temas que se abordarán, atópanse a xestión de crises en ciberseguridade e a auditoría e xestión de riscos tecnolóxicos no sector industrial, que se combinarán con temas máis locais como, por exemplo, a análise da situación da profesión en Galicia.

A asociación espera reunir un cento de profesionais neste evento.