A Consellería de Cultura, Educación, Formación Profesional e Universidades organiza InnoVart 2023, un evento que aglutina a oferta das ensinanzas artísticas, de idiomas e deportivas que se imparten en Galicia, e que terá lugar os días 13 e 14 de abril no Museo Centro Gaiás.
Trátase dunha excelente ocasión para coñecer o potencial destas ensinanzas, xa que se contará con material expositivo e actividades interactivas de arte dramática, artes plásticas e deseño, conservación e restauración de bens culturais, danza, ensinanzas deportivas, idiomas e música. Haberá tamén concertos, conferencias e espectáculos escénicos.
O evento terá lugar o xoves 13 e venres 14 de 10:00 a 14:00 e de 16:00 a 19:00 horas. O acceso ten carácter gratuíto para o público en xeral. Máis información na web de InnoVart 2023.
