As xornadas 'Innovando en Diabetes' traerán á Cidade da Cultura a investigadores e profesionais sanitarios de toda España que están a traballar en mellorar a prevención, o tratamento e a atención aos pacientes de diabetes. As xornadas será os días 23 e 24 de novembro no Salón de Convencións do Edificio CINC.
'Innovando en Diabetes' servirá para compartir información sobre os últimos avances na investigación desta doenza e evaluar a estratexia nacional en diabetes do Sistema Nacional de Saúde.
Nas xornadas falarase de tratamentos curativos punteiros, como a cirurxía metábolica ou o trasplante de illotes pancreáticos, do emprego da historia clínica electrónica e das novas tecnoloxías para mellorar a atención das persoas con diabetes, da utilidade e riscos das redes sociais á hora de informar sobre esta doenza, das apps para dispositivos móbiles que existen actualmente para o seguimento da enfermidade, e do papel das asociacións de pacientes e dos pacientes empoderados na mellora do control da diabetes, entre outros temas.
As xornadas diríxense especialmente a investigadores, médicos e profesionais sanitarios e están organizadas pola Axencia de Coñecemento en Saúde (ACIS), o SERGAS e a Consellería de Sanidade, co patrocinio de Astrazeneca. O programa completo de 'Innovando en Diabetes' pode consultarse aquí.
